Прэмʼер-міністар Украіны Дзяніс Шмыгаль 15 ліпеня абвясьціў аб сваёй адстаўцы. Ён паведаміў пра гэта ў сваім акаўнце ў Telegram.
«Прашу прыняць маю адстаўку з пасады прэмʼер-міністра Украіны», — напісаў ёй заяве на адрас Вярхоўнай Рады Ўкраіны. Шмыгаль быў на чале ўкраінскага ўраду ад 2020 году.
Раней у той жа дзень прэзыдэнт Украіны Ўладзімір Зяленскі правёў сустрэчу з першай намесьніцай прэмʼер-міністра і міністаркай эканомікі Юліяй Сьвірыдзенкай, якой ён напярэдадні прапанаваў узначаліць урад, і з намесьнікам прэмʼер-міністра і кіраўніком Міністэрства лічбавых спраў Міхаілам Фёдаравым адносна дзейнасьці абноўленага Кабінэта міністраў.
Напярэдадні Зяленскі прапанаваў Сьвірыдзенцы ўзначаліць урад Украіны і «істотна абнавіць яго працу».
ГЛЯДЗІЦЕ ТАКСАМА: Зяленскі хоча новага прэм’ера і трансфармацыі выканаўчай улады Ўкраіны