Аляксандар Лукашэнка 12 ліпеня падпісаў указ аб прыёме ў грамадзянства Беларусі 245 грамадзян.
Як адзначаецца ў паведамленьні на ягоным сайце, пашпарт Беларусі атрымалі грамадзяне, якія паходзяць з Украіны, Расеі, Малдовы, Казахстану, Армэніі, Латвіі, Эгіпту, Ірану, Лівану, Сірыі і яшчэ 7 іншых дзяржаў, якія не называюць.
У той жа час, Лукашэнка адхіліў заявы аб прыёме ў грамадзянства «шэрагу асоб, якія неаднаразова парушалі законы Беларусі».
Летась, згодна з указам Лукашэнкі, грамадзянства Беларусі атрымалі 244 асобы, у тым ліку 24 няпоўнагадовыя, якія прыехалі з 18 краін.